काठमाडौं । नेपाल इन्फ्रास्ट्रक्चर बैंक (निफ्रा)मा चार संचालक नियुक्त भएका छन् । बैंकको पुस १७ गते सम्पन्न भएको पाँचौं वार्षिक साधारण सभाले बैंकको संस्थापक समुहबाट प्रतिनिधित्व गर्ने ३ जना सञ्चालकहरुमा अनुज अग्रवाल (प्रतिनिधि, विशाल ग्रुप लि), रत्न राज बज्राचार्य (प्रतिनिधि, ग्लोबल आइएमई बैंक लि) र लालमणि जोशी (प्रतिनिधि, इमर्जिङ्ग नेपाल लि) लाई आगामी ४ वर्षे कार्यकालको लागि निर्विरोध निर्वाचित गरेको हो ।
त्यस्तै, बैंकमा रिक्त रहेको सर्वसाधारण शेयरधनी समुह तर्फ साविक संचालकको बाँकी कार्यकालसम्मको लागि बैंकको संचालक समितिको निर्णयानुसार प्रवीण सुवेदीलाई संचालकमा नियुक्त गर्ने निर्णय गरेको छ ।
