काठमाडौं । नेपाल राष्ट्र बैंकले उपलब्ध गराएको तथ्यांक अनुसार बैंकहरुमा एकै दिन ७ अर्बले निक्षेप थपिएको छ । मंसिर २८ गते ६० खर्ब ३ अर्ब रहेको निक्षेप मंसिर २९ गते ६० खर्ब १० अर्ब पुगेको छ ।
त्यस्तै सोही दिन कर्जा प्रवाह पनि ३ अर्बले वृद्धि हुँदै ४९ खर्ब ९५ अर्ब पुगेको छ । पछिल्लो समय कर्जा प्रवाहको तुलनामा निक्षेप संकलन धेरै हुँदा बैंकहरुको सिडी रेशियो घट्दो क्रममा छ फलस्वरूप बैंकहरु ब्याज दर घटाउन बाध्य छन् ।
मंसिर २९ गतेसम्म बैंकको सिडी रेसियो ८० दशमलव ३४ प्रतिशत रहेको छ । बैंकहरुले अधिकतम ९० प्रतिशत सिडी रेसियोसम्म कर्जा दिन सक्ने भएकाले बैंकहरुसंग कर्जा योग्य तरलता निकै रहेको बुझ्न सकिन्छ ।
