काठमाडौं । सयपत्रि हाइड्रोपावर लिमिटेडले चालू अर्थिक वर्षको पहिलो त्रैमासिक वित्तीय विवरण सार्वजनिक गरेको छ । उक्त वित्तीय विवरण अनुसार कम्पनीले चालू आर्थिक वर्षको पहिलो त्रैमासमा १ करोड १८ लाख नाफा कमाएको छ । गत आर्थिक वर्षको पहिलो त्रैमासको तुलनामा कम्पनीको नाफा २० दशमलव ६९ प्रतिशतले कमी हो । गत आर्थिक वर्षको सोही अवधिमा कम्पनीले १ करोड ४८ लाख रुपैयाँ नाफा कमाएको थियो ।
गत आर्थिक वर्षको तुलनामा कम्पनीको सञ्चालन नाफा १३ दशलमव ५३ प्रतिशतले घटेको छ । गत आर्थिक वर्षमा कम्पनीको सञ्चालन नाफा २ करोड ७८ लाख रहेकोमा चालू आर्थिक वर्षमा घटेर २ करोड ४१ लाखमा सिमित भएको छ ।
कम्पनीको चुक्ता पूँजी ३० करोड रहेको छ । चालू आर्थिक वर्षमा कम्पनीको रिटेन्ड अर्निङ भने ४ करोड ५५ लाख ऋणात्मक रहेको छ ।
चालू आर्थिक वर्षमा कम्पनीको नाफाघटेसँगै प्रतिशेयर आम्दानी पनि घटेको छ । गत आवमा कम्पनीको प्रतिशेयर आम्दानी ४ रुपैयाँ ९६ पैसा रहेकोमा चालू आर्थिक वर्षमा घटेर ३ रुपैयाँ ९४ पैसामा सिमित भएको हो ।
समिक्षा अवधिमा कम्पनीको मूल्य आम्दानी अनुपात १९० गुणा र प्रतिशेयर नेटवर्थ ९२ रुपैयाँ ९१ पैसा रहेको छ ।
