काठमाडौं । राष्ट्रिय बीमा कम्पनी लिमिटेडले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । सार्वजनिक वित्तीय विवरण अनुसार कम्पनीको नाफा १३ करोड ७६ लाख रुपैयाँ रहेको छ। गत आर्थिक वर्षको पहिलो त्रैमासमा कम्पनीको नाफा ५ करोड ३८ लाख रुपैयाँ थियो । समिक्षा अवधिमा कम्पनीको नाफा १५५ दशमलव ६० प्रतिशतले वृद्धि भएको छ ।
कम्पनीको खुद बीमा शुल्क आर्जन ८ करोड ३८ लाख रुपैयाँ रहेको छ भने कुल बीमा शुल्क आर्जन ५३ करोड ६४ लाख रहेको छ ।
२६ करोड ६६ लाख चुक्ता पुँजी भएको कम्पनीको “स्पेसल जगेडामा” ३ अर्ब १२ करोड, महाविपत्ति जगेडामा ४२ करोड ३५ लाख, संचित जगेडामा ३ अर्ब ४१ करोड र अन्य इक्विटीमा ११ अर्ब ३० करोड रहेको छ ।
प्रकाशित तथ्यांक अनुसार कम्पनीको प्रति शेयर आम्दानी ५१ रुपैयाँ ६३ पैसा र प्रति शेयर नेट्वर्थ १५४० रुपैयाँ २९ पैसा छ ।
