काठमाडौं । गार्डियन माइक्रो लाइफ इन्स्योरेन्स कम्पनीले आर्थिक वर्ष २०८० /८१ को प्रथम त्रैमासको वित्तीय विवरण प्रकाशन गरेको छ । ५२ करोड ५० लाख रुपैयाँ शेयर पूँजी भएको कम्पनीले प्रथम त्रैमाससम्मा १ लाख ४२ हजार रुपैयाँ नाफा आर्जन गरेको छ ।
यस अवधिमा कम्पनीले १९ लाख ३० हजार रुपैयाँ कुल बीमा शुल्क आर्जन गरेको छ । यस कम्पनीले यस अवधिसम्ममा ६ लाख १२ हजार पुनर्बीमा मार्फत खर्चिएको छ । कम्पनीले समिक्षा अवधिमा १३ लाख १८ हजार रुपैयाँ खुद बीमा शुल्क आर्जन गरेको छ । यस अवधिमा कम्पनीले १९ लाख ७४ हजार संचिती मुनाफा गरेको छ ।
आर्थिक वर्ष २०७९/ ८० को असार मसान्तसम्ममा कम्पनीको महाविपत्ती कोषमा २ लाख ७ हजार रहेको थियो । चालु आर्थिक वर्षको असोज मसान्तसम्ममा २ लाख २१ हजार रहेको छ । समिक्षा अवधिमा कम्पनीको जीवन बीमा कोषमा ७ लाख ६ हजार रुपैयाँ रहेको छ । आर्थिक वर्ष २०७९/ ८० को असार मसान्तसम्ममा ४७ हजार रहेको थियो । यस अवधिमा कम्पनीले प्रथम बीमा शुल्क(एकल बीमा शुल्क) २० लाख ७२ हजार आर्जन गरेको छ ।
