काठमाडौं । नेपाल विद्युत् प्राधिकरणले धेरै पदका लागि ठुलो संख्यामा कर्मचारी माग गरेको छ । प्राधिकरणले सह निर्देशकदेखि प्राविधिकसम्म करिब ४ सय जना माग गरेको हो । प्राधिकरणले दसौं तहदेखि तेस्रो तहसम्मको प्रशासन र प्राविधितर्फ विभिन्न पदमा आवेदन माग गरेको हो ।
त्यस्तै, प्राधिकरणले विभिन्न प्रदेशका लागि मिटररिडिङ सुपरभाइजर, लेखापाल, सुपरभाइजर, सिनियर मिटर रिडर, सहायक लेखापाल, फोरमेन, इलेक्ट्रिसियन र जुनियर मिस्त्री लगायतका पदका लागि पनि कर्मचारी माग गरेको छ ।
प्राधिकरणले दसौं तह अन्तर्गत प्रशासनतर्फ एक जना सहनिर्देशक, प्राविधिकतर्फ एक जना प्रवन्धक माग गरेको छ । ३ जना उपप्रवन्धक , सहायक निर्देशक, सहायक प्रवन्धक, प्रशासकीय अधिकृत, लेखा अधिकृत, कानुन अधिकृत, इन्जिनियर लगायत सहायक स्तरका विभिन्न पदहरूमा प्राधिकरणले कर्मचारी माग गरेको हो ।
उक्त पदहरुका लागि प्राधिकरणले पदको आधारमा योग्यता निर्धारण गरेको छ । ईच्छुक तथा योग्यता पुगेका व्यक्तिहरूले मंसिर १४ गतेसम्म दरखास्त दिन सकिनेछ ।
