काठमाडौं । आज साताको दोस्रो दिन शेयर बजार सामान्य अंकले घटेको छ । आज नेप्से परिसूचक ५ दशमलव ८९ अंकले घटेर २,००४ को विन्दुमा कायम भएको छ । आज ९२ कम्पनीको शेयर मुल्य बढेको छ भने १२९ कम्पनीको शेयर मुल्य घटेको छ । आज हाइड्रोपावर र म्युचुअल फण्ड उपसूचक बाहेक सबै घटेका छन् ।
आज १ अर्ब ५६ करोड ५५ लाख रुपैयाँको शेयर कारोबार हुँदा सबैभनदा धेरै सन नेपाल लाइफ इन्स्योरेन्स कम्पनीको शेयर कारोबार भएको छ । आज यस कम्पनीको ७ करोड ६८ लाख रुपैयाँको शेयर कारोबार भएको छ । रिलायबल नेपाल लाइफको ६ करोड ५८ लाख रुपैयाँको शेयर कारोबार भएको छ । एनआइसी एशिया बैंकको ४ करोड ६३ लाख रुपैयाँको शेयर कारोबार भएको छ । शिवम् सिमेन्टको ३ करोड ४९ लाख रुपैयाँको शेयर कारोबार भएको छ ।
