काठमाडौं । असार २२ गतेदेखि कारोबार संचालन गरेको गार्डियन माइक्रो लाइफ इन्स्योरेन्स कम्पनीले लघु बीमा सम्बन्धी तीन दिने आधारभुत बीमा अभिकर्ता तालिम सम्पन्न गरेको छ । कम्पनीले उक्त तालिम भदौ १७ गतेदेखि संचालन गरी आज भदौ १९ गते भव्यताका साथ सम्पन्न गरेको हो । उक्त तालिम चितवनको, चितवन गार्डेन रिसोर्ट भरतपुरमा सम्पन्न भएको हो ।
उक्त तालिममा ५० जना प्रशिक्षार्थीहरूको उपस्थिती रहेको थियो । कम्पनीले लघु बीमा व्यवसाय अभिवृद्धिका साथै स्वरोजगारको अवसर सृजना गर्ने उद्देश्यका साथ उक्त तालिम संचालन गरेको हो ।
तालिम कार्यक्रमको उद्घाटन कम्पनीकी एजेन्सी हेड सुनिता कोइरालाले गरेकी हुन् । कार्यक्रमको संचालन गार्डियन माइक्रो इनस्योरेन्सको क्षेत्रयि प्रबन्धक प्रकाश लामिछानेले गरेका हुन् । उक्त तालिम नेपाल बीमा प्राधिकरणले लघु बीमा कम्पनीहरुलाई तोकेको मापदण्ड अनुसार संचालन गरिएको कम्पनीले जनाएको छ ।
तालिममा सहभागीहरुलाई कम्पनीकी एजेन्सी हेड कोइलाले प्रशिक्षण दिएकी हुन् । उनले लघु बीमाको परिचय, लघु बीमा व्यवसायको बर्तमान अवस्था र चुनौति देखि यस क्षेत्रको विकास र विस्तारको साथै बीमाको विभिन्न पोर्टफोलिओ, अभिकर्ताले बीमा क्षेत्रमा खेल्नुपर्ने भुमिका लगायत बीमा सम्बन्धीका विषयमा प्रशिक्षण दिएकी थिइन् ।
गार्डियन माइक्रो लाइफले साउन महिनामा ३५५ वटा बीमा पोलिसी विक्री गरी ४ लाख २३ हजार रुपैयाँ कुल बीमा शुल्क आर्जन गरेको छ । यस कम्पनीले असार २२ गते कोशी प्रदेशको विराटनगर ७ मोरङमा केन्द्रिय कार्यालय विस्तार गरी व्यवसाय संचालन गर्दै आइरहेको छ ।
