बीमा प्राधिकरणले ५ वर्षमा गर्यो ५७१ वटा मुद्दा फैसला,अझै १९१ वटा मुद्दाको फैसला हुन बाँकी

प्राधिकरणलाई ऐनले जति सुकै शक्तिशाली बनाए पनि मुद्दाको बिषयमा संचालक समितिमा प्रयाप्त छलफल नहुँदा  फैसला हुन सकिरहेको छैन । प्राधिकरणका अनुसार आर्थिक वर्ष २०७४/७५ मा ८३ वटा मुद्दा फैसला हुन बाँकी थियो ।

आर्थिक वर्ष २०७४/७५ मा ८३ वटा मुद्दा फैसला हुन बाँकी थियो भने ७५/ ७६ मा एक सय मुद्दा थप भयो। त्यसमा पनि पुनरावेदनबाट ४ वटा मुद्दा थप भएर कुल १८७ मुद्दा थुप्रिएको थियो त्यस वर्ष ८५ वटा मुद्दा सहमति तथा फैसला भएको थियो भने १ वटा मुद्दा तामेलीमा  राखिएको थियो। यसै अनुसार आर्थिक वर्ष ७५/७६ को अन्त्यमा किनारा लाग्न बाँकी मुदाको संख्या १०१ रहेको थियो।

आर्थिक वर्ष २०७६ /७७  मा १२७ मुद्दा थप हुँदा  ९३ वटा मुद्दा किनारा लागेका छन्।  ७७/७८ मा १३८ वटा मुद्दा थप हुँदा ९३ वटा मुद्दा फैसला सहमति भएका छन्।  यसैगरी ७८ /७९ मा १५५ वटा मुद्दा थप हुँदा १५२ वटा मुद्दा फैसला भएका छन्।

निर्जीवन बीमा कम्पनीहरुले दाबी भुक्तानीका लागि गर्ने क्षति मूल्याङ्कनका लागि चित्त नबुझेर धेरै मुद्दा दायर हुने गरेका छन् । बीमितले सबैभन्दा धेरै दाबी  लिन खोजिरहेका हुन्छन् भने बीमकले सक्दो कम दाबी तिर्न खोजिरहेको हुन्छ । जीवन बीमा कम्पनीहरुले सामान्य अवस्थामा दाबी भुक्तानी रोक्दैनन् । त्यसैले यस तर्फ एकदमै कम मुद्दा पर्छ । विवादित घटनामा मात्रै कुरा नमिलेर मुद्दा दायर हुने गरेका छन् ।