काठमाडौं । गाई भैंसीमा फैलिएकाे लम्पी स्किन रोगको महामारीबाट देशभरका किसानकाे ५४ अर्ब ७ कराेड रूपैयाँभन्दा बढीकाे क्षति भएकाे छ। विभागका अनुसार गत वर्ष माघ महिनामा देखा परेकाे याे राेगका कारण हालसम्म करिब ४९ हजार पशु मरेका छन् ।
७७ वटै जिल्लामा याे महामारी फैलिएकाेमा हाल मनाङ र मुस्ताङमा मात्र नियन्त्रणमा आउन सकेकाे छ।
राेग फैलिन नदिन र महामारी नियन्त्रण गर्न सरकारी निकायले चासाे नराख्दा याे राेग अझैसम्म नियन्त्रणमा आउन सकेकाे छैन । राेग देखा नपरेका भेगमा लम्पी स्कीनविरुद्ध खाेपकाे व्यवस्थापन गरेर राेग नियन्त्रण गर्न सकिने भएपनि पशु सेवा विभागले बजेट र जनशक्ति अभावकाे कारण देखाउँदै निरिहता व्यक्त गरिरहेकाे छ।
पक्स समूहकाे काप्रीपक्स भाइरसबाट लाग्ने याे राेगकाे संक्रमणमा भैंसीभन्दा पनि बढी गाई पर्ने गरेका छन् । शरीरकाे विभिन्न भागमा गिर्खा आउने र उच्च ज्वराे समेत आउने याे राेगबाट दूग्ध उत्पादन २५ देखि ८० प्रतिशतसम्म घट्नुकाे साथै गर्भ तुहिने वा बाँझाेपन हुने जाेखिम पनि उच्च हुन्छ । याे राेग लागेका पशुकाे मृत्यु दर कम भएपनि ४ देखि ४५ प्रतिशतसम्म गाईवस्तु राेगकाे संक्रमणमा पर्न सक्ने जाेखिम रहने गरेका विभागले जानकारी दिएकाे छ। लामखुट्टे, झिंगा र किर्नाकाे टाेकाईबाट याे राेग सर्छ।
Treatment-Guidelines-LSD-1687327428
प्रदेश सरकारहरुले खाेप वितरणका लागी बजेट विनियाेजन गरेपनि अझैसम्म अधिकांश भेगमा खाेप खरिद गरी वितरण कार्य हुन सकेकाे छैन । याे राेगकाे महामारीका कारण गाई भैंसी पालन गर्दै आएका किसान गरिबीमा धकेलिने भएका छन् ।अर्काेतर्फ दुग्ध उत्पादनमा आउने गिरावटसँगै दूध र दुग्धजन्य उत्पादन अझै महँगिनेछ।
