काठमाडौं । आर्थिक वर्षको पहिलो दिन ४७ अंकले बढेको नेप्से सूचक आज भने ८.४८ अंकले मात्रै बढेको छ । सूचकमा सामान्य सुधार देखिए पनि कारोबार रकम भने ३ अर्ब ५१ करोड नाघेको छ । हिजोको सुधारले हौसिएका लगानीकर्ताहरुले सुरुवाति अवस्थादेखि नै शेयर खरिद गर्न सुरु गरेका थिए ।
राष्ट्र बैंकले आगामी साता मौद्रिक नीति सार्वजनिक गर्दै छ । आज ८७ वटा कम्पनीको शेयर मूल्यमा सुधार हुँदा ११९ वटा कम्पनीको शेयर मूल्य भने घटेको छ । बिपिडब्ली र युनाइटेड अजोडको शेयर मूल्यमा सकारात्मक सर्किट लागेको छ ।
बाणिज्य बैंकको शेयरमा सुधार देखिए पनि विकास बैंक, फाइनान्स, होटल, हाइड्रोपावर, इन्भेष्टमेन्ट र म्युचुअल फण्डको सूचकमा भने गिरावट देखिएको छ । दोस्रो बजारमा राम्रो सँग बैंकको मात्रै शेयर मूल्य बढ्न बाँकी छ । तर सप्लाइ धेरै हुने भएकाले बाणिज्य बैंकको शेयर मूल्य अझै पनि तल्लो विन्दुमै छ ।
