काठमाडौं । आन्तरिक राजस्व विभागले नियम अनुसार आयकर भुक्तानी नगर्नेलाई ताकेता गर्न थालेको छ । आयकर सम्बन्धी प्रचलित व्यवस्था अनुसार सिलिङ नाघेका कर्मचारीहरुको खोजतलास गर्न थालेको हो ।
पछिल्लो समय ४० लाख भन्दा बढी आम्दानी गरेका र वास्तविक आम्दानी अनुसार कर भुक्तानी नगरेका व्यक्तिहरुलाई म्यासेज नै आउन थालेको छ । आन्तरिक राजस्व कार्यालयमा उपलब्ध तथ्याङ्क अनुसार आर्थिक वर्ष २०७८/७९ मा ४० लाख भन्दा बढी आय आर्जन गरेको देखिएकोले आयकर ऐन २०५८ को दफा ९६ अनुसार आय विवरण पेश गर्न निर्देशन दिदै आएको छ ।
मोबाइलमै म्यासेज गरेर आम्दानी अनुसार कर भुक्तानी गर्न निर्देशन दिइएको छ । एक ठाउँबाट आम्दानी गर्ने तथा विभिन्न ठाउँबाट आम्दानी गर्ने करदातालाई कति कर भुक्तानी गर्नु पर्छ भन्ने पुर्ण जानकारी हुँदैन ।
साथै कर भुक्तानी गर्दा रित पुर्वक भुक्तानी नहुने भएकाले पनि आन्तरिक राजस्व कार्यालयले ताकेता गरेको हो ।
