काठमाडौं । नेपाल धितोपत्र बोर्डले सामुदायिक लघुवित्त वित्तीय संस्था र बिपिडब्लु लघुवित्त वित्तीय संस्थालाई मर्जरमा जान पूर्व स्वीकृति प्रदान गरेको छ । मर्जरमा जान दुबै लघुवित्तले जेठ ३ गते संयुक्त निवेदन पेश गरेका थिए । बोर्डले एक आपसमा गाभ्न गाभिन तथा प्राप्ति सम्बन्धमा पूर्व स्वीकृति प्रदान गरेको हो ।
नेपाल राष्ट्र बैंकले पनि दुबै लघुवित्तलाई जेठ ३ गते नै मर्जरमा जान सैद्धान्तिक सहमति प्रदान गरिसकेको छ । काभ्रेको बनेपा १४ केन्द्रिय कार्यालय भएको सामुदायिक र बिपिडब्लु लघुवित्त संस्थाबीच बैंक तथा वित्तीय संस्था एक आपसमा गाभ्ने /गाभिने तथा प्राप्ति सम्बन्धी नियमावली अनुसार फागुन २९ गते एक आपसमा गाभ्ने /गाभिने सहमति भएको थियो ।
