काठमाडौं । स्वावलम्बन लघुवित्त वित्तीय संस्था लिमिटेडले पूँजी संरचना परिवर्तन गर्ने भएको छ । यसअन्तर्गत लघुवित्तले संस्थापक शेयरलाई सर्वसाधारण समुहमा अभिलेख राख्ने भएको हो । कम्पनीले १२ लाख ९० हजार ४९६ कित्ता शेयर सर्वसाधारण समुहमा अभिलेख राखी सोहि समुह अन्तर्गत कारोबार गर्न लागिएको हो ।
लघुवित्तले पूँजी संरचना परिवर्तन सम्बन्धी पत्रमार्फत उक्त कम्पनीको हालसम्म सूचिकृत कुल शेयर १ करोड २९ लाख ४ हजार ९५५ कित्ता एवं साविक संस्थापक र सर्वसाधारण समुहको शेयर हिस्सा क्रमशः ७० र ३० प्रतिशत कायम रहेको छ । सो कम्पनीले शेयर संरचना परिवर्तन गर्न आवश्यक सम्पूर्ण प्रकृया पुरा गरी नेप्से समक्ष परिवर्तित धितोपत्रको संरचना अभिलेखका लागि अनुरोध गरिएको छ । संस्थापक र सर्वसाधारण समुहको शेयर हिस्सा क्रमश ६० र ४० प्रतिशतको अनुपातमा कायम गर्न लघुवित्तले १२ लाख ९० हजार ४९६ कित्ता शेयर २०८० जेठ ८ गतेदेखि सर्वसाधारण समुहमा अभिलेख राख्ने भएको हो । जसपश्चात उक्त शेयर सोहि समुह अन्तर्गत कारोबार हुनेछ ।
