काठमाडौं । कर्णाली प्रदेशमा मुख्यमन्त्री राजकुमार शर्माले आज विश्वासको मत लिँदै छन् । शर्माले आज दिउँसो ३ बजे बस्ने प्रदेशसभा विश्वासको मत लिने भएको हो ।
राप्रपाले समर्थन फिर्ता लिएपछि शर्माले दोस्रो पटक विश्वासको मत लिन लागेका हुन् । मुख्यमन्त्रीलाई विश्वासको मत दिने वा नदिने भन्ने बारे नेताहरु छलफलमा जुटेका छन् । प्रदेश सभाको ठूलो दल नेपाली कांग्रेसले विश्वासको मत दिने नदिने बारे कुनै निर्णय गरेको छैन । एमालेले हालसम्म समर्थन फिर्ता लिएको छैन ।
मुख्यमन्त्री शर्माले बहुमतका लागि २१ जना सांसदको मत प्राप्त गर्नुपर्नेछ । कुल ४० सदस्यीय प्रदेशसभामा नेपाली कांग्रेसबाट १४, माओवादी १३ र एमालेबाट १० जना, राप्रपा, एकीकृत समाजवादी र स्वतन्त्र सांसद १÷१ जना रहेका छन् ।