काठमाडौं । पछिल्लो समय बीमा क्षेत्रमा बीमा पोलिसी उपहार दिने ट्रेन नै बनेको छ । अहिले विवाह, ब्रतबन्ध, पास्नी लगायतका हरेक चार्ड पर्व तथा उत्सवहरुमा गहना, सामान तथा जिन्सी दिने प्रचलनले भन्दा पनि बीमा पोलिसी दिने प्रचलन भित्रिएको छ ।
यसैबीच एशियन लाइफ चावहिल शाखाका अभिकर्ता कपिल कुमार पौडेलले आफ्नो छोरीको जन्मदिनमा बीमा पोलिसी उपहार दिएका छन् । उनले आफ्नो छोरीलाई जन्मदिनको अवसर पारेर एशियन लाइफको बाल भविष्य प्लस १० लाखको बीमा पोलिसी उपहार दिएको जनाएका छन् ।
उनले आफ्नो ७ वर्षकी छोरीलाइै बीमा पोलिसी उपहार दिएका हुन् । उनले आज गरिदिएको बीमा पोलिसीले भोलि छोरीको भविष्यमा आइपर्ने जोखिमलाई कम गर्न मद्दतगर्ने र बचत पनि हुने भएकाले बीमा गरिदिएको बताएका छन् ।
त्यस्तै, कम्पनीका चावहिल शाखा कार्यालयका शाखा प्रबन्धक अशोक गिरीले बीमाले जोखिमको साथै भविष्यमा पर्ने आर्थिक भारलाई कम गर्ने गर्दछ । त्यसकारण आफुसँग भएको सानो सानो पैसालाई संकलन गरी बीमा गरियो भने भविष्य सुनिश्चत हुन्छ यद्यपी बीमा सबैको लागि अपरिहार्य रहेको बताए ।
