सानिमा जिआइसीको २ करोड कित्ता शेयर दोस्रो बजारमा सूचिकृत, ओपनिङ प्राइस कति ?

काठमाडौं । मर्जर पछि सानिमा जिआइसी इन्स्योरेन्स कम्पनीको शेयर दोस्रो बजारमा सूचिकृत भएको छ । आज नेपाल स्टक एक्सचेन्जमा सानिमा जिआइसीको २ करोड कित्ता शेयर सूचिकृत भएको हो । साविक सानिमा जनरल र जनरल इन्स्योरेन्स कम्पनीविच गत कार्तिकमा बराबरी हैसियतमा मर्जर भएको थियो ।

दुबैले गत कार्तिक ७ गते एकिकृत कारोबार शुभारम्भ गरेका थिए । दुई कम्पनी एक आपसमा मर्जर भएका कारण नयाँ नाम राखेका हुन् । नयाँ नाम भए सँगै नेप्सेले कारोबार कोड पनि परिवर्तन गरिदिएको छ । अवदेखि सानिमा जिआइसीकोको कोड ‘SGIC’ बाट कारोबार हुनेछ । नेप्सेमा कम्पनीको पहिलो कारोबार ३६७.५० रुपैयाँबाट सुरु हुनेछ । भोलिदेखिनै कम्पनीको शेयर कारोबार खुला हुनेछ । दुई कम्पनीले मर्जरको सहमतिपत्रमा हस्ताक्षर गरेदेखिनै दोस्रो बजारमा कारोबार रोक्का छ ।