काठमाडौं । आइएमई जनरल इन्स्योरेन्स लिमिटेडको शेयर मूल्य समायोजन भएको छ । नेपाल स्टक एक्सचेन्जले मंगलवार कम्पनीको ६ प्रतिशत बोनश शेयर प्रयोजनका लागि मूल्य समायोजन गरेको हो ।
कम्पनीको मंगलवार कायम अन्तिम शेयर मूल्य ५३० रुपैयाँ ३० पैसाको आधारमा नेप्सेले बोनशपछिको मूल्य ५ सय २८ रुपैयाँ तोकेको हो । भोलि कम्पनीको समायोजनपछिको मूल्यका आधारमा शेयर कारोबार खुला हुनेछ ।
कम्पनीले गत आर्थिक वर्षको मुनाफाबाट ६ प्रतिशत बोनश शेयरसँगै कर प्रयोजनका लागि शून्य दशमलव ३२ प्रतिशत नगद लाभांश वितरण गर्ने प्रस्ताव गरेको छ । कम्पनीले प्रस्तावित लाभांशसहित विविध प्रस्ताव पारितका लागि माघ ९ गते वार्षिक साधारण सभा बोलाएको छ ।
