काठमाडौं । कालिका पावर कम्पनीले लाभांश घोषणा गरेको छ । कम्पनीको पुस ६ गते बसेको संचालक समितिको बैठकले आर्थिक वर्ष ७८/७९ को मुनाफ बाट बितरण गर्ने प्रस्ताव गरेको हो ।
कम्पनीले हाल कायम चुक्ता पुँजी ६९ करोडको १५ प्रतिशतले हुन आउने १० करोड ३५ लाख बराबरको बोनश शेयर बितरण गर्ने प्रस्ताव गरेको छ । त्यस्तै कम्पनीले कर प्रयोजनको लागि ० दशमलव ७८९५ प्रतिशत नगद लाभांश बितरण गर्ने प्रस्ताव गरेको छ ।
कम्पनीको सोही बैठकले पुस २९ गते शुक्रबार साधारणसभा पनि आह्वान गरेको छ । सभाले संचालक समितिको तर्फबाट अध्यक्ष्ले प्रस्तुत गर्ने गत आर्थिक वर्षको नाफा,नोक्सान हिसाब नगद प्रवाह लगायतका वित्तीय विवरण पारित गर्नेछ ।
सभाले सर्वसाधारण शेयरधनीको तर्फबाट प्रतिनिधित्व गर्ने २ जना र स्वतन्त्रबाट १ जना गरी ३ जना संचालकको निर्वाचन गर्ने प्रस्ताव पारित गर्नेछ । आगामी आर्थिक वर्षको लेखापरीक्षण गर्नका लागि लेखापरीक्षकको नियुक्ती र नीजको पारीश्रमिक निर्धारण गर्ने प्रस्ताव पारित गनेछ ।
कम्पनीले साधारणसभा प्रयोजनको लागि पुस १७ गते बुक क्लोज गर्ने निर्णय गरेको छ । पुस १६ गतेसम्म कायम शेयरधनीले मात्र सभामा भाग लिन र प्रस्तावित लाभांश पाउनेछन् ।
1671688278788
