काठमाण्डाै । सामाजिक सुरक्षा काेषले सामाजिक सुरक्षा कार्यक्रम अन्तर्गतकाे स्वास्थ्य उपचार र दुर्घटना बीमावापतकाे रकम दाबी गर्नकाे लागी समय सीमा ताेकेकाे छ । काेषले सार्वजनिक सूचना प्रकाशन गर्दै अस्पताल भर्ना नभई स्वास्थ्य उपचार गराएकाे अवस्थामा उपचार गराएकाे ९० दिनभित्र दाबी गर्नुपर्ने प्रावधान लागू गरेकाे छ । त्यसैगरी अस्पताल भर्ना भएर उपचार गराएकाे अवस्थामा अस्पतालबाट डिस्चार्ज भएकाे ९० दिनभित्र दुर्घटना भएपछि उपचार गराएकाेमा उपचार गराएकाे वा डिस्चार्ज भएकाे ९० दिनभित्र दाबी गरिसक्नुपर्नेछ ।
यसबाहेक मातृत्व हेरचाह भत्ताकाे लागी शिशु जन्मिएकाे ९० दिनभित्र दाबी पेश गरिसक्नुपर्नेछ । मातृत्व बिदा भत्ताकाे लागी शिशु जन्मिएकाे १२० दिनभित्र दाबी नगरेमा दाबी भुक्तानी नहुने काेषले जानकारी दिएकाे छ ।
बिरामी बिदा भत्ता वापतकाे रकम दाबीकाे लागी बिरामी भएकाे वा अस्पतालबाट उपचार सकेर घर फर्किएकाे १२० दिनभित्र निवेदन पेश गर्नुपर्नेछ । यसबाहेक अस्थायी असक्षमतावापतकाे भत्ता दाबीकाे लागी काममा फर्किएकाे ९० दिनभित्र दाबी गर्नुपर्ने प्रावधान काेषले लागू गरेकाे छ । यसबाहेक ताेकिएकाे समयसीमासगै चालू आर्थिक वर्षभित्रकाे दाबी असार २५ गतेभित्रै गरिसक्नुपर्नेछ ।
