काठमाडौं । प्रिमियर इन्स्योरेन्स कम्पनीले आर्थिक वर्ष २०७९/ ८० को प्रथम त्रैमासको वित्तीय विवरण प्रकाशन गरेको छ । कम्पनीले प्रकाशन गरेको वित्तीय विवरण अनुसार कम्पनीको खुद नाफा, खुद बीमा शुल्क आर्जन घटेको छ ।
कम्पनीले प्रकाशन गरेको वित्तीय विवरण अनुसार कम्पनीको नाफा गत आर्थिक वर्षको तुलनामा ४ प्रतिशतले घटेको छ । गत आर्थिक वर्षको ८ करोड १५ लाख रुपैयाँ नाफा कमाएको यस कम्पनीले चालु आर्थिक वर्षमो ७ करोड ६९ करोड लाख रुपैयाँ नाफा कमाएको छ ।
त्यस्तै, चालु आर्थिक वर्षको प्रथम त्रैमासमा २० करोड ९७ लाख रुपैयाँ खुद बीमा शुल्क आर्जन गरेको छ । गत आर्थिक वर्षको यस अवधिमा कम्पनीले २५ करोड ९८ लाख रुपैयाँ खुद बीमा शुल्क आर्जन गरेको थियो । गत आर्थिक वर्षको तुलनामा कम्पनीको खुद बीमा शुल्क १९ प्रतिशतले कमी हो ।
२ अर्ब ५७ करोड रुपैयाँ चुक्ता पूँजी भएको कम्पनीको जगेडा कोषमा ४२ करोड ३५ लाख रुपैयाँ संचिती रहेको छ । बीमा कोष ८७ करोड ९३ लाख रुपैयाँ रहेको छ । गत वर्ष बीमा कोषको आकार ८७ करोड ९६ लाख रुपैयाँ थियो ।
यस अवधिमा कम्पनीले ११ करोड ५१ लाख रुपैयाँ खुद दाबी भुक्तानी गरेको छ । गत आर्थिक वर्षको सोही अवधिमा कम्पनीले ९ करोड ३ लाख रुपैयाँ दाबी भुक्तानी गरेको थियो । गत आर्थिक वर्षको तुलनामा यस अवधिमा कम्पनीले बढी दाबी तिरिसकेको छ । खुद दाबी भुक्तानी २८ प्रतिशतले बढी हो
यस अवधिमा कम्पनीले ५६ करोड ९८ लाख रुपैयाँ कुल व्यापार गरेको छ भने १२ करोड माथि कुल दाबी तिरेको छ । यस अवधिमा कम्पनीको प्रतिशेयर आम्दानी २५ रुपैयाँ ४० पैसा रहेको छ । प्रतिशेयर नेटवर्थ २ सय ९ रुपैयाँ ९६ पैसा रहेको छ ।
