काठमाडौं । नेपालमा जीवन बीमा अभिकर्ताको निरन्तरको अनुरोध र निर्जीवन बीमा अनिवार्य गर्नै पर्ने कारणले मात्रै गरिन्छ । अभिकर्ताले लगातार अनुरोध गरे पछि लौ धेरै नै कर गर्नु भयो अव चाँही गर्छु भनेर गरिन्छ । नेपालमा अझै पनि मेरो जीवन बीमा गर्नु पर्छ भन्ने स्वतः स्फुर्त गर्ने जनमानसको धेरै नै कमि छ ।
त्यस्तै निर्जीवन बीमा तर्फ पनि बाध्यताले बीमा गर्नेको संख्या धेरै छ तर मेरो जोखिम बहन हुन्छ म जसरी पनि बीमा गर्छु भन्ने धेरै कम छ । यसले गर्दा अधिकाम्स बीमकले बीमा गर्दा धेरै कुरामा ध्यान दिइरहेको पाइदैन । दवाव, कर र बाध्यताले बीमा गर्दै गर्दा पनि बीमितले आफुले गर्न थालेको बीमाको सामान्य जानकारी भने राख्नु पर्छ ।
जव घटना घट्छ तव मात्रै मैले बीमा गरेको थिए त भन्ने बानीले गर्दा आफूले कुन जोखिमको बीमा गरेको थिए भन्ने समेत थाहा हुँदैन । यसले गर्दा कहिले काँही बीमा गर्दा गर्दै पनि जोखिम बहन हुन सक्दैन । त्यसैले बीमा गर्दा निम्न कुराहरुमा ध्यान दिनु पर्छ ।
१. प्रस्ताव फाराममा खुलाउनुपर्ने सम्पुर्ण विवरणहरु स्ष्टसँग खुलाई भर्ने ।
२. बीमालेखमा उल्लेखित सम्पुर्ण शर्त एवं सुविधाबारे जानकारी लिएर मात्र बीमा गर्ने ।
३. बीमितले आफ्नो पेशा व्यवसाय एवं आर्थिक स्तर समेतलाई मध्यनजर गरी बीमालेख खरिद गर्ने ।
४. बीमालेख बीमा शुल्क बुझाउने, बीमालेख नवीकरण गर्ने समय, इच्छाएका व्यक्तिको नाम, बीमालेख वापत रकम पाउने/नपाउने जस्ता विषयमा बीमालेख खरिद गर्नु अगाडी नै बुझ्नुपर्दछ ।
५. बीमितले बीमा शुल्क बुझाएपछि यसको आधिकारित भर्पाई वा रसिद लिनुपर्दछ ।
६. बीमा सम्बन्धी प्रस्ताव फाराम बीमित स्वंयमले भर्नुपर्नेछ बीमित निरक्षर वा प्रस्ताव फार भर्न नसक्ने भएमा निजले तोकेको व्यक्तिले प्रस्ताव फारम भर्नुपर्नेछ ।
७. बीमितले आफुले बीमा गर्न लागेको बीमा कम्पनीको बारेमा राम्रोसँग बुझेर मात्र बीमा गर्नुपर्दछ ।
