काठमाडौं । नेपाल राष्ट्र बैंकले आफ्नो स्वामित्वमा रहेको सवारीसाधनको बीमाशुल्कवापत ४३ लाख रुपैयाँभन्दा बढी खर्चिएको छ ।
बैंकको स्वामित्वमा रहेका १ सय ४२ वटा सवारी साधनको बीमाको लागी ४३ लाख ८८ हजार ३ सय ३९ रुपैयाँमा आइएमई जनरल इन्स्योरेन्सबाट बीमा गराएको हो । सवारी साधनको बीमा १ वर्ष अवधिको लागी गरिएको हो ।
राष्ट्र बैंकका अनुसार निर्जीवन बीमा कम्पनीहरुबाट प्राप्त प्रस्तावमध्ये प्राविधिक र आर्थिक पक्षको मूल्यांकनको आधारमा आइएमई जनरल इन्स्योरेन्सलाई छनौट गरिएको हो ।
बीमा सेवा प्रदान गर्नको लागी राष्ट्र बैंकले गत भदौ १२ गते अनलाइनमार्फत् बीमा कम्पनीहरुसँग प्रस्ताव माग गरेको थियो ।
