काठमाडौं । नेपाली दोश्रो बजार निरन्तर घटेको एक वर्ष हुन लागेको छ । गत वर्ष भदौ महिनामा ३२०० को विन्दु छोएको नेपाली दोश्रो बजार अहिले निरन्तर घट्दै दुई हजार विन्दु मुनी आएको छ । दोश्रो बजार निरन्तर घटेसँगै कम्पनीको शेयर मुल्य पनि निकै सस्तिएको छ । यसै बिच धेरै कम्पनीहरुको शेयर मूल्य ५२ हप्ताको न्यून मूल्यकै सेरोफेरोमा पुगेको छ । कम्पनीहरुको शेयर मूल्य ५२ हप्ताको न्यून मूल्य तिर आउनु भनेको बजार निकै धेरै घटेको बुझ्न सकिन्छ ।
अहिले ५२ हप्ताको न्यून मूल्य नजिक आशा लघुवित्त वित्तीय सस्था पुगेको छ । कम्पनीको ५२ हप्ताको न्यून मूल्य ११०१ रहेकोमा कम्पनीको विहीवारको अन्तिम मूल्य ११०६ दशमलव १० पैसा रहेको छ । एनसीसी बैंकको शेयर मूल्य पनि ५२ हप्ताको न्यून मूल्य नजिकै रहेको छ। कम्पनीको ५२ हप्ताको न्यून मूल्य १९६ रहेकोमा कम्पनीको हालको बजार मूल्य १९७ छ ।
तेश्रोमा सिटिजन्स बैंक रहेको छ । बैंकको ५२ हप्ताको न्यून मूल्य १९३ रहेकोमा हालको बजार मूल्य १९४ छ ।
त्यस्तै प्राथमिक बजारमा निकै पपुलर कम्पनी पनि अहिले ५२ हप्ताको न्यून मूल्यमै कारोवार भएको देखिन्छ । निफ्राको ५२ हप्ताको न्यून मुल्य २१५ दशमलव ८० रहेकोमा अहिले कम्पनीको मुल्य २१७ रुपैयाँ २० पैसा रहेको छ ।
त्यस्तै पाचौ नम्बरमा एनआइसी एशिया बैंक रहेको छ । बैंकको ५२ हप्ताको न्यून मुल्य ६२६ रुपैयाँ हुँदा कम्पनी अहिले ६३० रुपैयाँ ९० पैसामा कारोवार भएको छ ।
तथ्यांक श्रोत : नेप्से
