काठमाडौं । केही समय यता कारोवार रकम सुक्दै गएको छ । एक वर्ष अघि दिनमै २० अर्ब भन्दा धेरै शेयर कारोवार हुने दोश्रो बजारमा अहिले कारोवार रकम १ अर्ब पनि हुन छाडेको छ । बुधवार नेप्से परिसूचक करिव १२ अंकले घट्दा ८२ करोडको मात्र शेयर कारोवार भएको छ ।
घटेको बजारमा बुधवार ब्रोकर नम्बर ५८ सर्वाधिक कारोवार गर्ने ब्रोकरमा परेको छ । ५८ नम्बर ब्रोकरबाट १५ करोड १८ लाखको शेयर खरिद बिक्री भएको छ । सो ब्रोकरबाट ७ कारोड २९ लाखको शेयर खरिद हुँदा ७ करोड ८९ लाखको शेयर बिक्री भएको छ। त्यस्तै दोश्रोमा सबै भन्दा धेरै कारोवार गर्नेमा ब्रोकर नम्बर २८ परेको छ । सो ब्रोकरबाट ११ करोड १५ लाखको शेयर खरिद बिक्री भएको छ । जसमा ४ करोड ९८ लाख बराबरको शेयर खरिद भएको छ भने ६ करोड १७ लाख बराबरको शेयर बिक्री भएको छ ।
यसरी आज शिर्ष शेयर कारोवार गर्ने ५ ब्रोकरलाई हेर्दा सुरुका तीन ब्रोकरमा खरिदको तुलनामा बिक्री धेरै भएको छ भने पछिका दुई ब्रोकरमा बिक्रीको तुलनामा खरिद धेरै भएको देखिन्छ ।
