काठमाडौं । सिटिजन्स बैंकले विभिन्न पर्वहरुको अवसरमा लकर सेवा शूल्कमा छुटको योजना सार्वजनिक गरेको छ । बैंकले महिलाहरुलाई लक्षित गर्दै हरितालिका तीजको अवसरमा यस्तो छुटको योजना ल्याएको हो ।
यस योजना अन्तर्गत बैंकले भाद्र महिना भरि लकर शूल्कमा ७० प्रतिशत र लकर कि डिपोजिटमा ५० प्रतिशत सम्म छुटको व्यवस्था गरेको छ । बैंकका अनुसार यस्ता छुटहरु जुन कुनै शाखाहरुबाट पनि प्राप्त गर्न सकिनेछ। ।
यस सुविधा बापत आदरणीय ग्राहक महानुभावहरुले आफ्ना अमूल्य गर गहना, रत्न, वित्तीय वा कानुनी कागजात, महत्वपूर्ण प्रमाण पत्रहरु जस्तै राहदानी, र अन्य मूल्यवान वस्तुहरू सहज र सुपत शूल्कमा सुरक्षित तवरले बैंकको लकरमा राख्न सक्ने बैंकले जनाएको छ।
बैंकले निःशुल्क डेबिट कार्ड, मोबाईल बैंकिङ्ग र ईन्टरनेट बैंकिङ्ग जस्ता सेवाहरु धेरै पहिले देखिनै प्रदान गर्दै आईरहेको बैंकले जनाएको छ ।
हालसम्म बैंकले १८० वटा शाखा, १३२ वटा एटिएम र ९६ वटा शाखा रहित बैंकिङ्ग ईकाईहरुबाट नैंकिङ्ग सेवाहरु प्रदान गर्दै आइरहेको छ ।
