काठमाडौं । महालक्ष्मी लाइफले गत आर्थिक वर्ष (७८/७९ )को चौथो त्रैमासको वित्तिय विवरण सार्वजनिक गरेको छ। उक्त विवरण अनुसार कम्पनीको कुल बीमा शुल्क आर्जन ४३ दशमलव ८० प्रतिशतले वृद्धि हुँदै १ अर्ब ५८ करोड पुगेको छ । अघिल्लो आर्थिक वर्ष (७७/७८ ) मा कम्पनीले १ अर्ब १० करोड बीमा शुल्क आर्जन गरेको थियो ।
कम्पनीको नाफा गत आर्थिक वर्षमा २४ दशमलव ४१ प्रतिशतले वृद्धि हुँदै ११ करोड ७० लाख पुगेको छ भने अघिल्लो आर्थिक वर्षमा कम्पनीको नाफा ९ करोड ४० लाख थियो ।
१ अर्ब ४० करोड चुक्ता पुँजी भएको कम्पनीको जगेडामा २६ करोड ८७ लाख रुपैयाँ छ भने जीवन बीमा कोषमा १ वर्षको अवधिमा ५८ दशमलव ०८ प्रतिशत वृद्धि हुँदै २ अर्ब १२ करोड पुगेको छ ।
गत आर्थिक वर्षमा २० करोड २५ लाख कुल दावी भुक्तानी गरेको कम्पनीले २ करोड २८ हजार भुक्तानी गर्न बाँकी दावी रकम रहेको छ ।
