काठमाडौँ । एभरेष्ट बैंक, स्ट्याण्डर्ड चार्टर्ड बैंक, हिमालयन बैंक र नेपाल एसबिआई बैंक विदेशी लगानी भएका वाणिज्य बैंकहरु हुन् । ४ बैंकले गत आर्थिक वर्ष ७८/७९ को चौथो त्रैमासको रिपोर्ट सार्वजनिक गरेका छन् । उक्त रिपोर्ट आधारमा बैंकहरुका विभिन्न सूचक लाई दाँजेर गरिएको तुलानात्मक अध्ययन :
चुक्ता पुँजीको आधारमा :
४ वाणिज्य बैंक मध्ये हिमालयन बैंकको पुँजी सबै भन्दा धेरै छ । हिमालयन बैंकको पुँजी १२ अर्ब ९६ करोड रहेको छ भने स्ट्याण्डर्ड चार्टर्ड बैंकको पुँजी सबै भन्दा कम ९ अर्ब ४२ करोड रहेको छ ।
जगेडा कोषको आधारमा :
४ वाणिज्य बैंक मध्ये एभरेष्ट बैंकको जगेडामा सबै भन्दा धेरै संचित छ । बैंकको जगेडामा १३ अर्ब २२ करोड रहेको छ भने नेपाल एसबिआईको जगेडामा सबै भन्दा कम ७ अर्ब २८ करोड रहेको छ।
नोट: जगेडा कोषमा संचित मुनाफा, जगेडा कोष र शेयर प्रिमियम जोडिएको।
निक्षेप संकलनको आधारमा :
एभरेष्ट बैंकले सर्वाधिक १ खर्ब ७२ अर्ब निक्षेप संकलन गर्दा स्ट्याण्डर्ड चार्टर्ड बैंकले सबै भन्दा कम ९३ अर्ब निक्षेप संकलन गरेको छ ।
कर्जा प्रवाहको आधारमा :
हिमालयन बैंकले सर्वाधिक १ खर्ब ४७ अर्ब कर्जा प्रवाह गर्दा स्ट्याण्डर्ड चार्टर्ड बैंकले सबै भन्दा कम ७९ अर्ब कर्जा प्रवाह गरेको छ ।
खुद नाफाको आधारमा :
गत आवको १२ महिनासम्म एभरेष्ट बैंकले सर्वाधिक २ अर्ब ५४ करोड खुद नाफा गर्दा नेपाल एसबिआई बैंकले १ अर्ब ६३ करोड खुद नाफा गरेको छ ।
प्रति शेयर आम्दानीको आधारमा :
एभरेष्ट बैंकको सर्वाधिक २७ रुपैयाँ ०१ पैसा प्रति शेयर आम्दानी हुँदा नेपाल एसबिआई बैंकको सबै भन्दा कम १६ रुपैयाँ ६७ पैसा प्रति शेयर आम्दानी छ ।
किताबी मूल्य (प्रति शेयर नेट्वर्थ)को आधारमा :
एभरेष्ट बैंकको सर्वाधिक २४० रुपैयाँ ७३ पैसा किताबी मूल्य हुँदा हिमालयन बैंकको सबै भन्दा कम १७० रुपैयाँ ५० पैसा किताबी मूल्य छ।
निस्क्रिय कर्जाको आधारमा :
हिमालयन बैंकको सर्वाधिक शून्य दशमलव ७७ प्रतिशत खराब कर्जा हुँदा नेपाल एसबिआई बैंकको सबै भन्दा कम शून्य दशमलव १५ प्रतिशत खराब कर्जा छ ।
