काठमाडौं । हाल संचालनमा रहेका वाणिज्य बैंकहरुमध्ये ११ वाणिज्य बैंकले गत आर्थिक बर्ष २०७८/७९ को चौथो त्रैमासको वित्तीय विवरण सार्वजनिक गरिसकेका छन् । वित्तीय विवरण प्रकाशन गरेका ११ वाणिज्य बैंकहरुलाई लाभांश दिने क्षमताको आधारमा तुलना गर्दा सबैभन्दा धेरै प्रति शेयर वितरण योग्य मुनाफा (लाभांश क्षमता) एनआईसी एशिया बैंकको रहेको छ ।
एनआईसी एशिया बैंकको वितरण योग्य मुनाफा २ अर्ब २४ करोड रहेको छ भने प्रति शेयर वितरणयोग्य मुनाफा १९ दशमलव ४३ प्रतिशत रहेको छ । त्यस्तै दोश्रोमा स्ट्याण्डर्ड चार्टर्ड बैंक नेपाल लिमिटेडको प्रति शेयर वितरण योग्य मुनाफा १६ दशमलव ९० प्रतिशत छ। बैंकको वितरणयोग्य मुनाफा १ अर्ब ५९ करोड छ ।
सबैभन्दा कम प्रति शेयर वितरणयोग्य मुनाफा सनराइज बैंकको रहेको छ । बैंकको वितरण योग्य मुनाफा २५ करोड ६१ लाख रहेको छ भने प्रति शेयर वितरणयोग्य मुनाफा २ दशमलव ५३ प्रतिशत रहेको छ ।
उपलब्ध तथ्यांक कम्पनीले प्रकाशित गरेको वित्तीय विवरण बाट तयार गरिएको हो , यो विस्लेषण पूर्ण होइन लगानीकर्ताले कारोवारको निर्णय लिनु अघि थप अनुसन्धान गर्नु पर्ने छ ।
