काठमाण्डौं । भारतको सडक यातायात तथा राजमार्ग मन्त्रालयले जुन १ देखि लागू हुने गरी विभिन्न श्रेणीका सवारीसाधनका लागि तेश्रो पक्ष बीमाको बीमाशुल्कमा बीस प्रतिशतसम्म वृद्धि गरेको छ ।
मन्त्रालयले तेश्रो पक्ष बीमाशुल्क दर निर्धारण गरेको यो पहिलो पटक हो। मन्त्रालयले निर्धारण गरेको बीमाशुल्क दरमा सवारीसाधनको इन्जिन क्षमता अनुसार बीमाशुल्क दरमा १ देखि २० प्रतिशतसम्मको वृद्धि गरिएको छ । तर ७५ देखि १५० सिसि क्षमताको इन्जिन भएको मोटरसाइकलको तेश्रो पक्ष बीमाशुल्क दरमा ५.१ प्रतिशत कटौती गरेको छ ।
यसअघि कोरोना महामारीको कारण तेश्रो पक्ष बीमा बीमाशुल्क दर वृद्धिमा १६ जुन २०१९ यता रोक लगाइएको थियो । प्रस्तावित बीमशुल्क विगत दुई वर्षको दाबी अनुभवमा आधारित रहेको र हालको घाटाको प्रतिनिधित्व नभएको र मूल््य वृद्धिको आवश्यक परिमाणलाई न्यून गर्नको लागी वृद्धि गरिएकोे बीमा अधिकारीहरुको दाबी छ ।
भारतको राजपत्रमा १७ मार्च २०२२ मा प्रकाशित भएको चालू आर्थिक वर्षको लागि प्रस्तावित बीमाशुल्क वृद्धिको मस्यौदामा १ अप्रिल २०२२ लाई प्रिमियम वृद्धि हुने मिति उल्लेख गरिएको थियो ।
