काठमाडौं । आज शेयर बजार नेप्से परिसूचक ३२ दशमलव ९६ अंकले बढेर २,९३१ दशमलव २६ को विन्दुमा कायम भएको छ । आज १६० वटा कम्पनीको शेयर मुल्य बढेको छ भने २५ वटा कम्पनीको शेयर मुल्य घटेको छ । हिजो घटेको बजारमा आज ३२ अंकले सुधार भएको हो ।
आज दिनभरिमा २२९ वटा कम्पनीको १ करोड ५९ लाख ८९ हजार ७४४ कित्ता शेयर किनबेच हुँदा ५ अर्ब ७७ करोड ३१ लाख २० हजार रुपैयाँको शेयर कारोबार भएको छ । आज सबैभन्दा धेरै आइएमई जनरल इन्स्योरेन्सको कारोबार भएको छ । कम्पनीको २२ करोड २० लाख रुपैयाँको शेयर कारोबार भएको छ । आज अपि पावर कम्पनीको १८ करोड ४७ लाख रुपैयाँको शेयर कारोबार भएको छ ।
आज शिखर इन्स्योरेन्स कम्पनीको १७ करोड ६७ लाख रुपैयाँको शेयर कारोबार भएको छ । अरुण भ्याली हाइड्रोपावर कम्पनीको १६ करोड १० लाख रुपैयाँको शेयर कारोबार भएको छ । नेपाल टेलिकमको १५ करोडमाथिको शेयर कारोबार भएको छ ।
आज सबैभन्दा धेरै मैलुङ खोला हाइड्रोपावर कम्पनी र तेह्रथुम पावर कम्पनीका लगानीकर्ताले कमाएका छन् । कम्पनीका लगानकिर्ताले १० प्रतिशतका दरले कमाएका छन् । बुद्धभुमि हाइड्रोपावर कम्पनीका लगानीकर्ताले ९ दशमलव ९७ प्रतिशतका दरले कमाएका छन् । न्यादी हाइड्रोपावर कम्पनीका लगानीकर्ताले ८ प्रतिशतका दरले कमाएका छन् ।
त्यसैगरी आज सबैभन्दा धेरै आइसीएफसी कम्पनी डिबेञ्चरका इकाईधनीले गुमाएका छन् । कम्पनीका इकाईधनीले ४ प्रतिशतका दरले गुमाएका हुन् ।
