काठमाडौं । सिद्धार्थ बैंकले आजदेखि संस्थापक शेयर विक्री गर्ने भएको छ । कम्पनीका संस्थापक शेयरधनी पवन कुमार सरार्फ तथा रस्मी जैनले आफ्नो नाममा रहेको शेयर विक्री गर्न लागेको कम्पनीले एक सुचना जारी गर्दै जनाएको छ ।
उक्त शेयरको मूल्य र शेयर संख्या भने तोकिएको छैन् । उक्त शेयर खरीद गर्न इच्छुक यस कम्पनीका हाल कायम रहेका संस्थापकहरुले यस सूचना प्रकाशित गरेको आजको मितिले ३५ दिनभित्र निवेदन पेश गर्न आग्रह गरेको छ । शेयर खरीद गर्न इच्छुक संस्थापकले ३५ दिनभित्र सिद्धार्थ बैंकको प्रधान कार्यालय हात्तिसार काठमाडौंमा निवेदन दिनु पर्नेछ ।
यस अवधिमा कुनै पनि संस्थापकबाट आवेदन नपरेमा भने सर्वसाधारण लगानीकर्तालाई विक्री खुला गरिने बैंकले सोही सुचनामा उल्लेख गरेको छ ।
