काठमाडौं । नेपाल बीमक संघको छलफल सकिएको छ । बीमा समितिले पुनर्बीमाको विषयमा जारी गरेको निर्देशनलाई लिएर सम्पुर्ण निर्जीवन बीमा कम्पनीहरुका प्रमुख कार्यकारी अधिकृतहरु छलफलमा जुटेका छन् । आजको छलफलमा सम्पुर्ण प्रमुख कार्यकारी अधिकृतहरुले यस विषयमा थप अध्ययन आवस्यक परेको निष्कर्षण निकालेका छन् । थप अध्ययन पछि मात्रै संयुक्त धारणा बनाउने भन्दै आजको छलफल टुङ्गिएको हो ।
पुनर्बीमाको विषयमा छलफल बोलाइए पनि अधिकांश समय कोरोना बीमाको दाबी भुक्तानीका विषयमा नै छलफल केन्द्रित भएको सहभागी एक प्रमुख कार्यकारी अधिकृतले जानकारी दिए । बीमा समितिले मंसिर ९ गते सम्पुर्ण बीमा कम्पनीहरुलाई आफ्नो सम्पुर्ण जोखिम नेपाली पुनर्बीमा कम्पनीमा गर्न निर्देशन दिएसँगै नेपाल बीमक संघले विरोध जनाउदै आएको छ ।
संघले अहिलेसम्म बीमा समितिमा आधिकारिक रुपमा आफ्नो विरोध प्रस्तुत गरिसकेको छैन । संघले आन्तरिक छलफल पछि मात्रै आफ्नो साझा धारणा बनाउने निर्णय गरेको छ । यसैका लागि संघले दिउसो २ बजेदेखि बैठक गरेको थियो । आजको छलफलमा प्रारम्भिक कुराहरु मात्रै भएको र बाँकी कुराकानी भोलि र पर्सि बृहत छलफल गरेर मात्रै टुङ्गाउने भएको छ ।
यो निर्णयलाई लिएर चौतर्फी विरोध भए पनि बीमा समिति पनि केहि हच्किएको छ । यदि भोलिका दिनमा यस विषयमा चरम विरोध भएमा केहि लचिलो हुने संकेत समितिका एक अधिकरीले जानकारी दिए । यो निर्णमा बीमा समितिमै कतिपय अधिकारीहरु असन्तुष्ट देखिन्छन् । यो निर्णय बीमाको हित बिपरित भएको हुँदा यसले भोलिका दिनमा अझ ठुलो प्रभाव पार्ने उनिहरुको राय छ । यदि बीमा कम्पनीहरुले ससक्त हिसावले विरोध जनाए भने बीमा कम्पनी केहि लचिलो हुने देखिन्छ । यसका लागि कम्पनीहरुले तथ्य तथ्याङ्क सहित अध्ययन गरेर समिति समक्ष प्रस्तुत हुन सक्नु पर्छ ।
यो पनि पढ्नुहोस् ।
हिमालयन रि पाल्न आफैले जारी गरेको पूनर्बीमा निर्देशिका लत्याउँदै समिति
बीमा समितिको नीतिगत भ्रष्टाचार, हिमालयन रिलाई व्यवसाय दिन ठाडो निर्देशन
