काठमाडौं । नबिल बैंकले “नयाँ लुगा” नामक सन्देशमूलक दशैंको भिडियो सार्वजनिक गरेको छ । बैंकले गत वर्ष तयार पारेको दशैं भिडियोको अपार सफलता पश्चात् यो वर्ष पनि यस्तो जनचेतनामुलक भिडियो ल्याएको जनाएको छ । यस नयाँ भिडियो नेपालीहरुको महान चाड दशैं मनाउन शहरमा बसोबास गर्ने र दशैं मनाउन गाँउ फर्कने कथामा आधारित रहेको बैंकले जनाएको छ ।
यस भिडियोमा आम नेपालीहरुको आत्मकथा समेटिएको छ । भिडियोमा एक जना बाबा शहरमा जागिर गर्दछन, घरबाट छोरीको फोन आउँदछ, दशैंमा नयाँ कपडा ल्याइदिनु भनेर र उनी छोरी एवं श्रीमतीको खुशीका निम्ती दशैं किनमेल गरेर गाँउ फर्किन्छन् । फर्किदा, बाटो बिग्रेर जाममा पर्दछ तर परिवारको माया अनी खुशीको लागि उनी रात भरी हिंडेर गाउ पुग्दछन । यो कथालाई भिडियोमा निकै मार्मिक ढंगले प्रस्तुत गरिएको छ ।
घर पुग्दा छोरी, आमा अनी छोरीको साथी समेत सबै जना खुशी भई दशैं मनाउने तयारी गर्दछन र अब जागिर खान शहर जाने होइन, गाँउमा नै केही गर्नु पर्दछ भन्ने सन्देश पनि भिडियोले दिएको छ ।
यसैगरी दशैंको यस भिडियोले सकभर दशैंमा आफ्नो परिवारसंग भेटघाट गरी सुरक्षित साथ खुशी साटासाट गरौं भन्ने सन्देश सरल ढंगले दिएको छ । जसले पहिले जस्तै सबैको मन जित्नेछ भन्ने अपेक्षा लिएको छ ।
भिडियो हेर्न यी लिंक गर्नुपर्नेछ ।
फेसबूक : https://fb.watch/8ypXHXNZVl/
इन्स्टाग्राम : https://www.instagram.com/tv/CUxS6wZhiES/?utm_source=ig_web_copy_link
युटुब : https://youtu.be/p8zsDtiJwDY
