काठमाडौं । कर्मचारी सञ्चयकोषले विभिन्न कम्पनीहरुको शेयरमा मात्रै ३५ अर्ब ८७ करोड रुपैयाँ लगानी गरेको छ । कोषले सार्वजनिक गरेको गत आर्थिक वर्षको अपरिस्कृत वित्तीय विवरण अनुसार यस्तो लगानी एक वर्षमै ६५.५० प्रतिशतले बृद्धि भएको छ । अघिल्लो आर्थिक वर्षमा कोषले धितोपत्रहरुमा २१ अर्ब ६७ करोड रुपैयाँ लगानी गरेको थियो ।
कोषले बैंक तथा वित्तीय संस्थाहरुमा निक्षेपको रुपमा मात्रै एक खर्ब ३१ अर्ब रुपैयाँ जम्मा गरेको छ । त्यस्तै कोषले सञ्चयकर्ताहरुलाई २ खर्ब रुपैयाँ कर्जा सापटी दिएको छ । परियोजना तथा संघठित संस्थाहरुलाई ६८ अर्ब ५३ करोड रुपैयाँ सापटी प्रदान गरेको छ ।
सञ्चय कोषको कोषमा तीन खर्ब ९८ अर्ब रुपैयाँ जम्मा भइसकेको छ । तीन वर्ष अगाडी सुरुवात गरेको निवृत्तीभरण कोषमा एक अर्ब ५७ करोड रुपैयाँ जम्मा भएको छ ।
