काठमाडौँ । नेपाल स्टक एक्सचेञ्जमा ४ वटा कम्पनीको शेयर मूल्य समायोजन भएको छ । नेप्सेमा अपि पावर कम्पनी लिमिटेड,ङादी ग्रुप पावर कम्पनी लिमिटेड, एनएमबि हाइब्रिड फण्ड एल १ र एनएमबि ५० को शेयरमूल्य समायोजन भएको हो ।
अपि पावर कम्पनी लिमिटेडको १० दशमलव ५ प्रतिशत बोनश शेयर पछि नेप्सेले प्रतिकित्ता ४ सय ७८ रूपैयाँ ७३ पैसा कायम हुने गरी शेयर मूल्य समायोजन गरेको छ । नेप्सेले बिहीबारको अन्तिम कारोबार मूल्य ५ सय २९ रुपैयाँका आधारमा मूल्य समायोजन गरेको हो ।
त्यस्तै, ङादी ग्रुप पावर कम्पनी लिमिटेडको २० प्रतिशत बोनश शेयर पछि नेप्सेले प्रतिकित्ता ८ सय ७ रूपैयाँ ५० पैसा कायम हुने गरी शेयरमूल्य समायोजन गरेको छ । नेप्सेले बिहीबारको अन्तिम कारोबार मूल्य ९ सय ६९ रुपैयाँका आधारमा मूल्य समायोजन गरेको हो ।
एनएमबि हाइब्रिड फण्ड एल १ को २० प्रतिशत लाभांश पछि नेप्सेले प्रतिइकाई ११ रूपैयाँ ८० पैसा कायम हुने गरी इकाई मूल्य समायोजन गरेको छ । नेप्सेले बिहीबारको अन्तिम कारोबार मूल्य १३ रूपैयाँ ८० पैसाका आधारमा मूल्य समायोजन गरेको हो ।
त्यसैगरी एनएमबि ५० को ३० प्रतिशत लाभांश पछि नेप्सेले प्रतिइकाई १२ रूपैयाँ ५३ पैसा कायम हुने गरी इकाई मूल्य समायोजन गरेको छ । नेप्सेले बिहीबारको अन्तिम कारोबार मूल्य १५ रूपैयाँ ५३ पैसाका आधारमा मूल्य समायोजन गरेको हो ।
