काठमाडौं । सप्तकोशी डेभलपमेन्ट बैंकले गत आर्थिक वर्षको चौथो त्रैमासको वित्तीय विवरण प्रकाशन गरेकाो छ । बैंकले यस अवधिसम्ममा करिब १०५ प्रतिशतले नाफा बृद्धि गर्न सफल भएको छ । अघिल्लो आर्थिक वर्षको चौथो त्रैमासमा बैंकले ३ करोड २ लाख रुपैयाँ खुद नाफा कमाएको थियो । बैंकले गत आर्थिक वर्षको सोहि अवधिमा ६ करोड १९ लाख ३८ हजार रुपैयाँ खुद नाफा कमाएको छ।
समीक्षा अवधिमा बैंकको खुद ब्याज आम्दानी भने घटेको छ। यस अवधिमा बैंकको खुद ब्याज आम्दानी २ दशमलव १६ प्रतिशतले घटेर २१ करोड ७२ लाख रुपैयाँमा कायम भएको छ । यस अवधिमा बैंकको सञ्चालन नाफा ११२ दशमलव ३२ प्रतिशतले बढेको छ
८३ करोड रुपैयाँ चुक्ता पूँजी रहेको बैंकको जगेडा कोषमा ९ करोड ८० लाख रुपैयाँ संचिती रहेको छ । रिटेर्न अर्निङमा ७ करोड ४४ लाख रुपैयाँ रहेको छ। यस अवधिमा बैंकको वितरणयोग्य नाफा ७ करोड ४४ लाख रुपैयाँ रहेको छ । अघिल्लो आथिृक वर्षको सोही अवधिमा बैंकको वितरणयोग्य नाफा १ करोड ३० लाख रुपैयाँ रहेको थियो ।
बैंकको निक्षेप संकलन ३२.६१ प्रतिशतले बढेर ४ अर्ब ५१ करोड १७ लाख रुपैयाँ पुगेको छ भने कर्जा लगानी ४२.४६ प्रतिशतले बढेर ३ अर्ब ९९ करोड रुपैयाँ पुगेको छ।
बैंकको प्रतिशेयर आम्दानी ३ रुपैयाँ ६२ पैसाबाट बढेर बढेर ७ रुपैयाँ ४२ पैसा पुगेको छ भने प्रतिशेयर नेटवर्थ पनि १२० रुपैयाँ ६७ पैसा पुगेको छ।
