काठमाडौं । नेपाल इन्स्योरेन्स कम्पनीको निमित्त प्रमुख कार्यकारी अधिकृतको जिम्मेवारी पाएका ईश्वर पोखरेललाई कम्पनीको कर्मचारी संघले स्वागत गरेको छ । नेपाल इन्स्योरेन्स कम्पनी लिमिटेडको कर्मचारी संघका अध्यक्ष भीम प्रसाद घिमिरे तथा अन्य पदाधिकारीहरुबाट निमित्त प्रमुख कार्यकारी अधिकृत पोखरेललाई स्वागत तथा बधाई ज्ञापन गरेको कम्पनीले जनाएको छ ।
उक्त अवसरमा कर्मचारीहरुबाट पूर्ण सहयोग र समर्थनको प्रतिबद्धता ब्यक्त गरिनुको साथै कर्मचारीहरुको वृत्ति विकास र सुविधा वृद्धिमा आफु अत्यन्त सकारात्मक रहेको बताएका छन् ।
साथै, निमित्त प्रमुख कार्याकरी अधिकृत पोखरेलले कम्पनीको ब्यावसाय वृद्धिलाई केन्द्र विन्दूमा राखि ब्यवस्थापन र कर्मचारीहरु एक जुट भई अगाडी बढ्नु पर्ने कुरा बताएका छन् ।
