काठमाडौं । नेशनल माइक्रोफाइनान्स र महिला सहयात्रा लघुवित्त वित्तिय संस्था लिमिटेडको असार ३० गतेदेखि एकीकृत कारोबार शुरु हुने भएको छ । नेशनल माइक्रोफाइनान्सले महिला सहयात्रा लघुवित्तलाई प्राप्ती गर्ने प्रस्ताव दुबै कम्पनीको जेठ २५ गते बसेको छुट्टाछुट्टै साधारण सभाले पारित गरेसँगै एकीकृत कारोबार थाल्ने भएका हुन् ।
नेपाल राष्ट्र बैंकले असार १५ गते र कम्पनी रजिष्ट्रार कार्यालयले असार २४ गते प्राप्तिका लागि अन्तिम स्वीकृति पश्चात दुवै कम्पनीले एकीकृत कारोबार गर्न लागेका हुन् ।
दुवै कम्पनी एक भई नेशनल माइक्रोफाइनान्स लघुवित्त वित्तिय संस्था लिमिटेडको नामबाट एकीकृत कारोबार शुरु गर्नेछन् । प्राप्ति पश्चात कम्पनीको रजिष्टर्ड कार्यालय धादिङ जिल्ला वडा नं ३ पुछारबजारमा रहने जनाएको छ ।
एकीकृत कारोबारका लागि दुवै कम्पनीको विवरणलाई एउटै सफ्टवेयर बाट वित्तीय कारोबार र्गुपर्ने व्यवस्था मिलाउनु पर्ने भएकाले असार २९ गते (एक दिन) महिला सहयात्रा लघुवित्तको सम्पूर्ण कारोबार बन्द रहने कम्पनीले जनाएको छ ।
