काठमाडौं । नेशनल हाइड्रोपावर कम्पनीको स्थगित २४औं वार्षिक साधारण सभा असार ३१ गते हुने भएको छ । कम्पनीको असार १७ गते बसेको संचालक समितिको बैठकले उक्र सभाको मिति तय गरेको हो । उक्त सभा कम्पनीको रजिष्टर्ड कार्यालयमा भर्चुअल माध्यमबाट बिहान ११ बजे शुरु गर्ने कम्पनीले जनाएको छ ।
यसअघि कम्पनीको २४औं सभा चैत २७ गते तोकिएकोमा उक्त सभामा गुणपुरक संख्या नपुगी स्थगित गरिएको थियो ।
सभामा सञ्चालक समितिको तर्फबाट अध्यक्षद्वारा आर्थिक वर्ष २०७६/७७ को वार्षिक प्रतिवेदनबारे छलफल गरी पारित गर्ने प्रस्ताव रहेको छ । सभामा आर्थिक वर्ष २०७७/७८ को लागि लेखापरीक्षक नियुक्ती गरी पारिश्रमिक निर्धारण गर्ने एजेण्डा समेत पेश हुनेछ ।
त्यस्तै, सभामा आर्थिक वर्ष २०७६/७७ को लेखापरीक्षण प्रतिवेदन, वासलात, नाफा नोक्सान हिसाब र सोहि अवधिको नगद प्रवाह विवरण लगायतका वित्तिय विवरणहरू छलफल गरी पारित गर्ने, गर्ने एजेण्डा रहेको छ ।
कम्पनीले वार्षिक साधारणसभा प्रयोजनको लागि चैत १३ गतेदेखि चैत २७ गतेसम्म बुकक्लोज गरिसकेको छ । त्यसैले चैत १२ गतेसम्म कायम सेयरधनीले मात्र सभामा भाग लिन सक्नेछन् ।
