काठमाडौं । प्रिमियर इन्स्योरेन्स कम्पनी (नेपाल) लिमिटेडले आफ्नो स्वामित्वमा रहेको नागरिक लगानी कोषको संस्थापक समूहको शेयर आजबाट लिलामी मार्फत विक्री गर्ने भएको छ । कम्पनीले नागरिक लगानी कोषको रहेको १ लाख कित्ता संस्थापक शेयर लिलाम बढाबढ गरि बिक्री खुल्ला गरेको हो ।
लिलामी शेयरमा विद्यमान संस्थापक वा जो कोही व्यक्ति, कम्पनी तथा संघसंस्थाले आजदेखि असर १८ गतेसम्म बोलपत्र पेश गर्न सक्नेछन् । लगानीकर्ताले बोलपत्र पेस गर्दा न्यूनतम एक सय कित्ता र अधिकतममा १० ले भाग जाने सम्पूर्ण कित्ताका लागि आवेदन दिन सक्नेछन् ।
उक्त लिलामी शेयरको न्यूनतम मूल्य १२ सय रुपैयाँ तोकिएको छ । त्यसैले, लगानीकर्ताहरुले सो वा सोभन्दा बढी बोलकबोल गरी बोलपत्र पेश गर्नुपर्ने हुन्छ । बोलपत्र नबिल इन्भेष्टमेन्ट बैंकिङ्ग लिमिटेड, नारायणचौर, नक्साल, काठमाडौंमा आइपुग्ने गरी पेश गर्नुपर्नेछ ।
