काठमाडौं । मंगलबार शेयर बजार तिव्र उतारचढावका विच १४ दशमबल ५७ अंकले सुधार भएको छ । कारोबार सुरु हुने वित्तीकै ओरालो लाग्न सुरु भएको शेयर बजार २५ मिनेट पछि सुधार हुन थालेको थियो । ९८ वटा कम्पनीको मूल्य बढेको छ ।
नेप्से सूचक सुधार सँगै कारोबार रकम ५ अर्ब १४ करोड रुपैयाँ नाघेको छ । तिव्र उतारचढावका विच ६ वटा सूचक घटेको छ भने ७ वटाको सूचक बढेको छ । मंगलबार ८ वटा कम्पनीको शेयर मूल्य अधिकत बढ्ने क्रममा सकारात्मक सर्किट लागेको छ ।
६१ हजार ४२२ वटा कारोबार हुँदा एक करोड २ लाख कित्ताको शेयर खरिद बिक्रि भएको छ । आज जलविदयुत कम्पनीको शेयरमा गिरावट देखिएको छ । सबैभन्दा धेरै पञ्चकन्या माइ हाइड्रोपावरका शेयरधनीले गुमाएका छन्। सबैभन्दा धेरै साल्ट ट्रेडिङ चन्द्रागिरीका शेयरधनीले कमाएका छन् ।
सबैभन्दा धेरै इन्फ्रास्ट्रक्चर र अपर तामाकोशीको कारोबार भएको छ । इन्फ्रास्ट्रक्चरको मात्रै ५२ करोड ६० लाख रुपैयाँको कारोबार भएको छ । अपर तामाकोशीको ३२ करोड ८१ लाख रुपैयाँको कारोबार भएको छ ।
