काठमाडौं । स्वाभिमान लघुवित्तले चालु आथिृक वर्षको दोस्रो त्रैमासको वित्तीय विवरण प्रकाशन गरेको छ । संस्थाले चालु आर्थिक वर्षको दोस्रो त्रैमाससम्म आइपुग्दा नाफा १४८ दशमलव ९९ प्रतिशतले बृद्धि गर्न सफल भएको छ । यस अवधिमा संस्थाले २ करोड ८० लाख ५४ हजार रुपैयाँ कमाएको छ । अघिल्लो वर्षको यसैअवधिमा यसले १ करोड १२ लाख ६७ हजार रुपैयाँ नाफा कमाएको थियो ।
चुक्ता पुँजी ७ करोड ६७ लाख ७ हजार र जगेडा कोषमा ६ करोड ८६ लाख ७१ हजार रुपैयाँ संचिती रहेको छ ।
त्यस्तै, खुद ब्याज आम्दानी ४४ दशमलव ८९ प्रतिशतले बढेर ४ करोड ४१ लाख ११ हजार रुपैयाँ पुगेको छ । अघिल्लो वर्ष संस्थाले ३ करोड ४ लाख ४४ हजार रुपैयाँ खुद ब्याज आम्दानी कमाएको थियो ।
सञ्चालन नाफा १४२ दशमलव २२ प्रतिशतले बढेर ३ करोड ४६ लाख ७४ हजार रुपैयाँ पुगेको छ । अघिल्लो वर्ष संस्थाले १ करोड ४३ लाख १५ हजार रुपैयाँ मात्रै सञ्चालन नाफा कमाएको थियो ।
संस्थाको खराब कर्जा पनि ० दशमलव ६४ प्रतिशतले घटेर ० दशलमव ८५ प्रतिशतमा आएको छ । पुस मसान्तसम्म प्रतिसेयर आम्दानी ७३ रुपैयाँ ६५ पैसा र प्रतिसेयर नेटवर्थ १५२ रुपैयाँ ९५ पैसा छ ।
