काठमाडौं । भारतीय लगानीको नेशनल इन्स्योरेन्स कम्पनीको नेपालस्थित शाखा कार्यालयमा कार्यरत कर्मचारीहरुले औपचारिक रुपमा ९ सदस्यीय नेशनल इन्स्योरेन्स कर्मचारी युनियन गठन गरेका छन् ।
नेशनल इन्स्योरेन्स कम्पनीको नेपालस्थित शाखा कार्यालयमा कार्यरत कर्मचारीहरुले आधिकारिक कर्मचारी युनियन दर्ता गरिएको तदर्थ समितिका अध्यक्ष नितेश कुमार दासले जानकारी दिए । युनियनले केही दिन पहिले श्रम कार्यालयबाट औपचारिक रुपमा पत्र प्राप्त गरेको हो ।
नेशनल इन्स्योरेन्स कर्मचारी युनियनको पहिलो अधिवेशन मंसिर १३ गते शनिबार विहान १०ः३० बजे बीरगन्जमा हुँदैछ । पहिले अधिवेशनले कर्मचारीको साझा हितमा रहेका प्रस्तावहरु पारित गर्ने युनियनले जनाएको छ ।
वर्षौअघि देखि सो कम्पनीमा युनियन गठन गर्न खोजिएको भएपनि असफल हुँदै आएकोमा यस पटक कडा संघर्षका बीच औपचारिक रुपमा युनियन गठन गरिएको महासचिव ऋषि सत्यालले जानकारी दिए ।
