काठमाडौं । चालु आर्थिक वर्षको पहिलो त्रैमासमा कृषि विकास बैंकको खुद नाफा २२ प्रतिशत घटेको छ ।चालु आर्थिक वर्षको पहिलो त्रैमासिक वित्तीय विवरण अनुसार कम्पनीले ४६ करोड १४ लाख खुद मुनाफा आर्जन गरेको छ । कम्पनीले गत आर्थिक वर्षको सोही अवधिमा २२ दशमलव ९६ प्रतिशतल घटेको छ । गत आर्थिक वर्षको सोहि अवधिमा कम्पनीले ५९ करोड ९० लाख रुपैयाँ खुद नाफा आर्जन गरेको छ।
पहिलो त्रैमासमा कम्पनीेले १ अर्ब ३६ करोड रुपैयाँ खुद ब्याज आम्दानी गरेको छ । गत वर्षको सोहि अवधिमा कम्पनीले १ अर्ब ६६ करोड रुपैयाँ खुद ब्याज आम्दानी गरेको थियो ।
यस अवधिमा अन्य सञ्चालन आम्दानी ६ करोड ९८ लाख रुपैयाँबाट बढेर २२ करोड १८ लाख पुगेको छ । कम्पनीले ६१ करोड १८ लाख सञ्चालन नाफा गरेको छ । गत आर्थिक वर्षको सोही अवधिसम्ममा यो नाफा ८२ करोड ८० लाख थियो ।
यस अवधिमा कम्पनीको खराब कर्जा घटेको छ । बैंकको खराब कर्जा अनुपात ३ दशमलव ७० प्रतिशतबाट घटेर २ दशमलव ३७ प्रतिशतमा झरेको छ ।
हाल कम्पनीको १४ अर्ब ९८ करोड रुपैयाँ चुक्ता पूँजी रहेको कम्पनीको जगेडा कोषमा ११ अर्ब १६ करोड रुपैयाँ छ ।
बैंकको प्रतिशेयर आम्दानी २१ दशमलव ६६ बाट घटेर १५ दशमलव ९० मा झरेको छ भने प्रतिशेयर नेटवर्थ रू. २४४ दशमलव ९१ र मूल्य आम्दानी अनुपात २७ दशमलव ७ गुणा रहेको छ ।
