काठमाडौं । चालु आर्थिक वर्षको पहिलो त्रैमाससम्म आइपुग्दा एभरेष्ट बैंकको अधिकांश सूचकहरु घटेको छ । पहिलो त्रैमासको अवधिमा बैंकको खुद नाफा ५१ दशमलव ५४ प्रतिशतले घटेर ३३ करोड ४७ लाख रुपैयाँमा कायम भएको छ ।
अघिल्लो आर्थिक बर्षको सोहि अवधिमा बैंकले ६९ करोड ८ रुपैयाँ नाफा आर्जन गरेको थियो । बैंकको वितरणयोग्य नाफा १३ करोड ५९ लाख रुपैयाँ रहेको छ ।बैंकको खुद ब्याज आम्दानी र संचालन नाफामा आएको गिरावटले खुद नाफा घटेको छ ।
पहिलो त्रैमासको अवधिमा बैंकको खुद ब्याज आम्दानी २८ दशमलव ५६ प्रतिशतले घटेर १ अर्ब २ करोड हजार रुपैयाँमा सीमित भएको छ । अघिल्लो आर्थिक वर्षको सोहि अवधिमा बैंकले १ अर्ब ४३ करोड २५ रुपैयाँ खुद ब्याज आम्दानी गरेको थियो ।
त्यस्तै, बैंकको संचालन नाफा ५१ दशमलव ५४ प्रतिशतले घटेर ४७ करोड ८२ लाख रुपैयाँमा कायम भएको छ । बैंकको खराब कर्जा पनि ० दशमलव ०५ प्रतिशतले बढेको छ । बैकको प्रतिशेयर १५ रुपैयाँ ८१ पैसा छ भने प्रतिशेयर नेटवर्थ २ सय २३ रुपैयाँ ३२ पैसा रहेको छ ।
