SKIP THIS

SLICL
Prabhu Life Ad Final

२३०० जनाको कोरोना बीमा दावी भुक्तानी एक साताभित्रै गरिने

काठमाडौं । कोरोना बीमाको दावी भुक्तानीको लागि आवश्यक कागजात पूरा भई निवेदन दिएका दुई हजार ३०० जनालाई एक साताभित्रैमा बीमा दावी भुक्तानी दिइने भएको छ । बीमक संघका अनुसार दावी परेका मध्ये अधिकांशको आंशिक मात्रै कागजात प्राप्त भएको र सम्पूर्ण कागजात प्राप्त भएपछि मात्रै दावी भुक्तानी प्रक्रियामा समावेश गरिने जनाएको छ । हालसम्म आवश्यक कागजात पूरै बुझाएहरुको संख्या दुई हजार ३०० छ । अन्य बीमा दावीको कागजात अपुरो रहेकोले जतिसक्दो चाँडो बुझाउन पनि बीमक संघका सचिव चंकी क्षेत्रीले बताए ।

हालसम्म विभिन्न कम्पनीमा १५ हजार भन्दा बढि दावी परिसकेको छ । सो मध्ये पिसिआर पोजेटिभ रिपोर्ट मात्रै बुझाउने धेरै रहेको संघको भनाई छ । कोरोना संक्रमित भएपछि घरभित्रै वा अस्पतालमा आईसोलेशनमा बस्नुपर्ने भएकोले कागजात बुझाउन ढिलाई हुने गरेको छ । बीमा समितिले कोरोना बीमा पोलिसी संशोधन गरी थप कागजात पेश गर्नुपर्ने भएपछि कागजात जुटाउन समय लाग्ने भएको छ ।

Biz Bazar
NLIC

कोरोना बीमा पोलिसी र कोरोना बीमा मापदण्ड अनुसार बीमितले कोरोना पोजेटिभका अतिरिक्त अस्पताल भर्ना भएको भए डिस्चार्ज पेपर वा घरैमा आईसोलेशनमा बसेको भए स्थानीय निकायबाट आईसोलेशनमा बसेको प्रमाणित गरेको कागजात समेत पेश गर्नुपर्नेछ । बीमक संघका अनुसार कागजात पूरा भएका दुई हजार ३०० जना बीमितलाई आगामी एक साताभित्रैमा दावी भुक्तानी दिइने जनाएको छ । साथै अन्य बीमितको हकमा सम्पूर्ण कागजात पूरा भएको एक साताभित्रैमा दावी भुक्तानी गर्ने व्यवस्था मिलाइएको छ ।

कोरोना बीमामाथि २० हजार भन्दा बढिको बीमा दावी परेको छ । सो मध्ये करिब १० हजार सरकारी कर्मचारी, सुरक्षाकर्मीहरु रहेका छन् । सरकारी कर्मचारी तथा सुरक्षाकर्मीको बीमा दावी परेपनि बीमा शुल्क बापतको रकम नेपाल सरकारले समेत बीमा कम्पनीहरुलाई भुक्तानी गरेको छैन ।

प्रतिक्रिया दिनुहोस्

सम्बन्धित समाचार