काठमाडौं । आरएसडिसी लघुवित्त वित्तीय संस्था लिमिटेडले संस्थापक समूहको १६ हजार ५ सय १० कित्ता शेयर बिक्री गर्ने भएको छ । संस्थाका विभिन्न ३ जना संस्थापकहरूले शेयर बिक्री गर्न लागेका हुन् ।
संस्थाले एक सूचना प्रकाशन गर्दै नेपाल राष्ट्र बैंकको निर्देशन बमोजिम सर्वप्रथम संस्थाका संस्थापक शेयरधनीहरुलाई नै प्राथमिकता दिनुपर्ने भएकाले संस्थापक शेयर खरिद गर्न इच्छुक संस्थापक शेयरधनीहरुलाई आवेदन दिन आग्रह गरेको छ ।
उक्त शेयर खरिद गर्न इच्छुक संस्थापक शेयरधनीहरुले आफुले लिने शेयर र खरिद मूल्यको विवरण खुलाएर सूचना प्रकाशन भएको मितिले ३५ दिनभित्र एनआईसी एशिया क्यापिटल तथा संस्थाको कार्यालय कालिकानगर बुटवलमा आइपुग्ने गरी आवेदन दिनुपर्ने संस्थाले जनाएको छ ।
