काठमाडौं । थप दुई जना कोभिड–१९ बीमा पोलिसीद्वारा रक्षावरण गरिएका व्यक्तिमा कोरोना पुष्टि भएको छ । यसअघि दुई जनाको दावी भुक्तानी भइसकेको छ । कोरोना बीमामाथि दावी पर्नेको कूल संख्या चार पुगेको छ ।
यसअघि नेको र आईएमई जनरल इन्स्योरेन्सको दावी परेकोमा शिखर इन्स्योरेन्समा एक जना र राष्ट्रिय बीमा कम्पनीमा थप एक जनाको दावी परेको छ । राष्ट्रिय बीमा कम्पनीमा राष्ट्रिय बाणिज्य बैंक, कपिलबस्तु शाखाका कर्मचारीलाई कोरोना पुष्टि भएसँगै दावी परेको सो कम्पनीले जनाएको छ ।
शिखरले मौखिम मात्रै आएको र कागजात आउने प्रक्रियामा रहेको जनाएको छ । दुवै दावीको कागजात आईपुग्ने वित्तिकै दावी भुक्तानी हुने सम्बन्धीत कम्पनीहरुले जनाइसकेका छन् ।
