काठमाडौं । आइएमई जनरल इन्स्योरेन्स कम्पनीले कोरोना बीमा गरेका बीमितलाई बीमा दाबी भुक्तानी गरेको छ । इन्स्योरेन्सले दाबी रकमको चेक नारायणी हस्पिटलको खातामा जम्मा गरिएको जनाएको छ ।
इन्स्योरेन्सले नारायणी हस्पिटल चितवनमा कार्यरत स्वास्थ्यकर्मीमा कोरोना संक्रमण पुष्टि भएपछि बीमाबापतको एक लाख रुपैयाँ दाबी भुक्तानी बीमित नारायणी हस्पिटलको खातामा जम्मा गरेको हो । कोरोना बीमा गरेकाहरुले १५ दिनपछि पीसीआर परीक्षण गर्दा संक्रमण पुष्टि भएमा बीमा दाबी भुक्तानी गर्न पाउँने व्यवस्था रहेको छ । सोहीअनुसार उक्त बीमा दाबी भुक्तानी गरिएको आइएमई जनरल इन्स्योरेन्सका डेपुटी सिइओ शरण रेग्मीले इन्स्योरेन्स खबरलाइ बताए।
प्रति व्यक्ति एक हजार रुपैयाँमा एक लाख रुपैयाँको र पाँच सय रुपैयाँमा ५० हजार रुपैयाँको कोरोना बीमा गर्न सकिने व्यवस्था छ । समूहमा गर्दा एक लाखकाे बीमा प्रति व्यक्ति ६ सय रूपैयाँ र ५० हजारकाे बीमा गर्दा प्रति व्यक्ति ३ सय रूपैयाँमा काेराना बीमा हुन्छ । पछिल्लो समयमा सरकारले समेत ५० प्रतिशत अनुदान दिने घोषणा गरे पछि कोरोना बीमालेखमा सबैको चासो बढेको छ।